Carnaval

CV De Sjansemaekers presenteertj:


Bóntje waek

Seniore bóntje middig,

Op woonsdig 20 fibrewari trappe de Sjansemaekers häör bóntje waek aaf mèt de Seniore Bóntje middig. Vanaaf twië oor toet ongeviër half vief, traeje diverse artieste väör uch op mèt zang, dans en kolder. Ouch zal d’r ’n speciaal väör ós jubileumjaor gemaakdje korte film vertoeandj waere, ’n première die nemes moog misse. En natuurlijk ein muzikale verrassing as aafsloeter. Ederein van 55 jaor en aojer is welkom (ouch as gae gein lid zeetj van ’n seniorevereiniging). Noteertj deze datum alvast. De zaal is aope óm 13.30 oor en de entree is € 5,00.
Bóntje Aovendje,

Op vriedig 22 en zaoterdig 23 fibrewari zeen de bóntje aovendje van CV De Sjansemaekers in La Rochelle. Zoea wie gae det van ós gewèndj zeetj is ’t weer ‘n samengestèldj programma van boetedörpse- en eige artieste. De bóntje aovendje staon al jaore bekèndj as eine sjoeane bóntje mix van meziek, dans, sketches en natuurlijk de buut. Ouch dit jaor weer.Want wae höbbe väör uch, DéDé Dansballet, winnaar SLK Sjötterie St. Petrus, de Borinnebóndj, Bie 1 geraaptj, Kerboet mèt kruutje, buut van Berry Knapen, ’n optraeje van Spik en Span. As aafsloeter op vriedig Marleen Rutten en op zaoterdig Kristel en Quin van W-Dreej. Ouch zal d’r ’n speciaal väör ós jubileumjaor gemaakdje korte film vertoeandj waere, ’n première die nemes moog misse. Dit alles zeen de ingrediënte väör ‘nne plezerige aovendj. Mer den mótj gae waal ein kaertje höbbe.
Kaarte kèntj gae koupe op zunjig 10 fibrewari tösse 11.00 en 12.00 in het Prinsehoes café Sjrake. De kaarte kòste € 12,50 per stök. Vanaaf 11 fibrewari zeen de kaarte te koup bie Top 1 Toys op de Mäölewaeg. Aanvang 20.00 oor en de zaal is aope vanaaf 19.00 oor.
Kinjer bòntje middig

Op zunjig 24 fibrewari waertj de kinjerbóntjemiddig gehaoje. Hiël väöl deilnemendje kinjer mèt sjoean sketches. As aafsloeter zulle Kerboet mèt kruutje optraeje. Aanvang van deze sjoeane middig is 14.00 oor, de zaal is aope om 13.30 oor en de entree is € 2,-.
|Doorsturen