Carnaval

Joekse Jatse


Vastelaoveszunjig 3 miërt steit ‘t weer te gebäöre:
‘t Joekse Jatse Konkoers en de R.O.B.
Op dae zunjigaovendj trèktj weer ein bóntj “vastelaovestheater” van meziek, dans en show van kefee nao kefee, óm dao häör muzikale en/of anger kunstjes te vertoeane.

Höbj gae zin en liektj ‘t uch sjiek óm allein of mèt ‘n gruupke op muzikaal gebied d’r ‘ns lustig op los te träöte: dootj den mèt aan `t Joekse Jatse.

Höbj gae zin en liektj ‘t uch sjiek óm allein of mèt ‘n gruupke ‘ns onwies gaaf te danse, te zinge of ‘n anger wervelendje show weg te gaeve: dootj den mèt aan de R.O.B.

Joekskepelle, vrindjeclub of verenigingen oet anger dörper zeen ouch van herte welkóm óm häör komische en muzikale kwaliteiten te vertoeane.
‘t Is ‘n konkoer dus d’r zeen prieze te winne, mer waat ’t allerbelangriekste is, is det ‘t geit allemaol väöral geit óm de “JOEKS”!

Natuurlijk is d’r in eder kefee ouch weer ein sjlum jury, die bekiektj waem de sjoeanste, onnuezelste meziek meuktj of de meist sjieke, joeksige show weg gaeftj.
Zin in träötmeziek, of wiltj gae op ‘n anger meneer opvalle, kóm den op zunjigaovendj mèt vastelaovendj nao Roggel en dootj mèt aan ‘t Joekse Jatse Konkoer of de R.O.B want:

Het Joekse Jatse Konkoer en de R.O.B. is plezeer make:
väör ederein, mèt ederein, door ederein !!

Opgaeve kèntj gae uch toet en met zaoterdig 2 miërt bie:
1. Kefee Sjrake ; Marleen van Sjrake (til.: 491460).
2. Harry Kuijpers (0612358936)

‘t Insjriefgeldj bedreugtj eine euro per persoean.

CV “De Sjansemaekers”.
|Doorsturen

Agenda


>>> Klik hier voor de complete Agenda.




Vacatures

Sjnabbeltjes


Ingezonden Jouw nieuws

Laatste reacties